Lvivde noyabr 1 künü ukrain rejissörı Oleg Sentsov ve Qırım faali Aleksandr Kolçenkonıñ işi boyunca Rusiye mahkemesi tarafından maküm etilgen qırımlı Gennadiy Afanasyevniñ foto işleriniñ sergisi açılacaq.
Tedbirniñ ilânında aytılğanı kibi, sergi noyabr 8-de olacaq Afanasyevniñ doğğan kününe bağışlanğan. Qırımlınıñ foto işlerini «Birinci Lviv mediatekası»nda taqdim etecekler.
Gennadiy Afanasyev avgust 25 künü Rusiyede 20 ve 10 yıllıq apis cezasına maküm etilgen ukrain rejissörı Oleg Sentsov ve faali Aleksandr Kolçenkonıñ işlerinde şaattır. Afanasyev mahkemede Sentsov ve Kolçenkoğa qarşı şaatlıq etmege razı olmadı ve evelki dellilerni taqiqat qıynav vastası ile elde etkenini bildirdi.
Avgust 19 künü «Memorial» uquq qoruyıcı merkezi Gennadiy Afanasyevni siyasiy mabüs olaraq tanıdı.
