Link açıqlığı

Çubarov Ukraina uquq qoruyıcılarını onıñ Qırımdaki «ğıyabiy apis etilmesine» seslenmege çağıra


Ukraina halq deputatı, Qırımtatar Milliy Meclisiniñ reisi Refat Çubarov degeni kibi, onı «ğıyabiy sürette apis etken» mahkeme toplaşuvnıñ keçirilmesinden haberdar degil edi ve ukrain uquq qoruyıcılarını «mahkemeniñ böyle qararına» seslenmege çağıra.

Meclisniñ matbuat hızmeti bildirgeni kibi, çarşenbe künü, oktâbr 28-de, Çubarov ne mahkeme toplaşuvınıñ keçirilecek künü ve yeri aqqında, ne oña berilgen qabaatlar aqqında bile, ne taqiqat malümatları ile tanış edi.

«Refat Çubarov Ukraina uquq qoruyıcı organlarını Ukraina vatandaşına qarşı cinayet etken muayyen şahıslarğa (Rusiye FSB idaresiniñ taqiqatçısı, mahkemeci, prokurorlarğa) qarşı cinaiy işlerni açmağa çağıra», – denile beyanatta.

«Rusiye Federatsiyası tarafından onıñ işğal etken Qırımda Ukraina vatandaşlarına ve maña qarşı areketleri uquqiy nizamsızlıq olğanını tasdiqlağan işğalci akimiyetniñ vesiqaları İnsan aqları boyunca Avropa mahkemesine yollanılacaq», – dey Çubarov.

Ukraina uquq qoruyıcı organlarınıñ Çubarovnıñ aytqanına cevapları daa yoq.

Çarşenbe künü Refat Çubarov öz Facebook saifesinde Aqmescitniñ Kiyev rayon mahkemesiniñ qararını aşkâr etti, oña köre Meclis azası ğıyabiy sürette apis etile.

«Aqmescit şeeriniñ Kiyev rayon mahkemesiniñ 2015 senesi oktâbr altısında qabul etken qararına binayen, men «RF CK 280.1 maddesiniñ 2-nci qısmı boyunca qabaatlanğan şahıs olaraq, 2 aylıq apis cezasına oğrayım». Buña sebep Qırım ve Aqyar boyunca Rusiyeniñ FSB idaresiniñ taqiqat bölüginiñ mahkemesine muracaat oldı», – yazdı Çubarov.

Evel Qırımnıñ rusiyeli prokurorı Natalya Poklonskaya bildirgeni kibi, Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarovğa Qırım kirişi açıq ve onı Qırımda taqiqat organları onı endi bekley.

Qırımda rusiyeli FSB idaresiniñ taqiqat komiteti Qırımtatar Milliy Meclisiniñ reisi Refat Çubarovğa qarşı cinaiy işni açqan eken. Onıñ sözlerine köre, cinaiy işni devletniñ topraq bütünliginiñ bozuluvına çağıruvlar iyun açtılar.

Evel Çubarovğa Rusiye territoriyasına ve onıñ tarafından işğal etilgen Qırımğa kirişni 5 yılğa yasaq ettiler.

Çubarovğa Qırım kirişi açıq olğanı aqqında resmiy vesiqa şimdilik yoq.

XS
SM
MD
LG