Link açıqlığı

Qırımnıñ rusiyeli prokurorı Natalya Poklonskaya bildirgeni kibi, Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarovğa Qırım kirişi açıq.

«Vatandaş Çubarovnı bekleymiz – bizge kelsin. Qırımda taqiqat organları onı endi bekley», – dep yazdı o Facebookta.

Bundan da ğayrı, Poklonskaya dey ki, yarımada uquq qoruyıcı organları Qırım qamaçavınıñ iştirakçi ve faallerine nisbeten de «çalışa»: «Qanuniyetni er keske nisbeten bozğan vatandaşlardır».

Onıñ sözlerine köre, elektrika tiremeleriniñ patlavı, Qırım ile memuriy sıñırda aydavcılardan aqça talap etilmesi boyunca da teşkerüvler keçirile

«Bazı meseleler boyunca cinaiy işler açıldı. Diger işler boyunca ilk taqiqat tedbirleri keçirile», – dey Poklonskaya.

Qırım.Aqiqatqa belli olğanı kibi, Çubarovğa Qırım kirişi açıq olğanı aqqında resmiy vesiqa şimdilik yoq.

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov oktâbr 28 künü öz Facebook saifesinde Aqmescitniñ Kiyev rayon mahkemesiniñ qararını aşkâr etti. Qararda Meclis başınıñ ğıyabiy apisi aqqında söz kete.

Evel Qırımnıñ rusiyeli prokurorı Natalya Poklonskaya bildirgeni kibi, Qırımda rusiyeli FSB idaresiniñ taqiqat komiteti Qırımtatar Milliy Meclisiniñ reisi Refat Çubarovğa qarşı cinaiy işni açqan eken. Onıñ sözlerine köre, cinaiy işni devletniñ topraq bütünliginiñ bozuluvına çağıruvlar iyun açtılar.

Evel Çubarovğa Rusiye territoriyasına ve onıñ tarafından işğal etilgen Qırımğa kirişni 5 yılğa yasaq ettiler.

XS
SM
MD
LG