Link açıqlığı

Ukraina Qırımnıñ baş ve esas ticariy şerigidir ve ukrain mahsulatı da zarurdır, dey yarımadanıñ gümrük hızmetiniñ reberi Vladimir Avramenko.

«Esas ticariy şerik Ukraina edi, ve olacaq… Tış iqtisadiy faaliyet, menfaat, iqtisadiy alâqalar bütün bu munasebetlerniñ, evel meydanğa ketirilgen ve şimdi olğanlar, qalmasına yol bere ve Ukrainanıñ tış iqtisadiy faaliyeti zarurdır», – dedi o Aqmescitte matbuat konferentsiyasında, haber ete Qırım.Aqiqat.

Onıñ sözlerine köre, Qırımnıñ «erzaq» qamaçavı Qırımğa ukrain mahsulatınıñ ketirilmesine tesir etti ve «yük aqımınıñ eksilgeni» aqqında bildirdi.

Bunıñ ile Avramenko şunı da bildirdi ki, Ukrainadan Qırımğa mahsulat ketirile: «Doğrudan olmasa da, etraftan, devlet sıñırınıñ diger qısımlarından».

Erzaq ya da sanayı mahsulat ketirilgeni aqta bir şey aytmadı.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler

XS
SM
MD
LG