Link açıqlığı

«Çonğar»da çarşenbe künü qamaçavğa qarşı aktsiyanı toplaylar – Herson vilâyetiniñ militsiyası


Herson vilâyeti Qırım ile memuriy sıñırdaki «Çonğar» kiriş noqtası yanında çarşenbe künü qamaçavğa qarşı aktsiyanıñ keçirilmesi planlaştırıla. Bunı Qırım.Aqiqat mühbirine vilâyet militsiyasında bildirdiler.

«Narazılıq aktsiyası degil. İnsanlar körüşmege istey, taksi aydavcıları, qonuşmaq. Köy şurasına aktsiyanı keçirmege istegenleri aqqında ariza yazdılar», – dep ayttı Herson vilâyetinde İçki işler nazirligi idaresiniñ uquq qoruyıcı organları, arbiy ve vatandaşlıq teşkilâtlarınıñ faaliyeti nezaret eken bölüginiñ reberi Aleksandr Anohin.

Çarşenbe künü, oktâbr 28-de, «Çonğar» kiriş noqtası yanında saat 10:00 Qırımnıñ vatandaşlıq qamaçavına qarşı aktsiyanıñ keçirilmesi planlaştırılğan aqqında Qırım.Aqiqatqa ATR telekanalanıñ baş müdiriniñ muavini Ayder Mujdabayev bildirdi.

«Em de işbu aktsiya Qırımdan teşkil etilgen. ATRge ştab bildirgeni kibi, aktsiyada Geniçesk rayonınıñ taksi aydavcıları ve iş adamları iştirak etmeli», – dey o.

Mujdabayev dey ki, tedbirni «Geniçesk rayon memuriyetiniñ sabıq başı, şimdi yarımadada akimiyetke yaqın olğan qırımtatar teşkilâtlarından biriniñ reberi Seytumer Nimetullayev» azırladı.

Nimetullayevniñ özü işbu malümatnı izaatlamay.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

XS
SM
MD
LG