Link açıqlığı

Qırım Muhtar Cumhuriyetiniñ Yuqarı Radasınıñ sabıq reberi, «Kommunistı Rossiya» firqasınıñ Qırım bölügi komitetiniñ birinci kâtibi Leonid Graç dey ki, Qırımda Meclisni yasaq etmege istegenler boş yerde «vaziyetni qozğaltacaq, yani, Meclis itibarını köterecek» olalar.

Bunı o Qırım.Aqiqatqa bildirdi.

«Cemaat keyfi ile tam tersi ola: canı ağırğan soyğa er vaqıt yardım eteler, acıylar ve ilâhre. Poklonskaya hanımnıñ (Qırım prokurorı – QA) usulları bugün Qırımda olğan milletlerara kerginlikni yoq ete bilecegini tüşünmeyim», – dey Graç.

Aynı zamanda o şunı da qayd etti ki, «qanun boyunca resmiyleştirilmegen şeyni yasaq etmege olmay». Siyasetçiniñ aytqanı kibi, Meclis qırımtatarlarnıñ cemaat keyfine ğayet ciddiy sürette tesir ete.

«Sarabuz rayonında Qırım Devlet şurasına saylavlar keçirilgende, siyasiy küçümizden qırımtatarını namzet olaraq köstergen edik, o vaqıt bunı kördik. Meclis: «Qırım Devlet şurasına saylavlarnı körmemezlikke uramız» aytqan vaqıtta ne olğanını kördik. Bunı yaptı», – haber ete Graç.

Qırımtatar Milliy Meclisi yaqın vaqıtta Rusiye Federatsiyası territoriyasında yasaq etile bile. Rusiye Cemaat palatası memleketniñ baş prokurorı Yuriy Çaykağa muracaat etip, qırımtatarlarnıñ temsiliy organını ekstremizmge teşkermege rica ettiler.

XS
SM
MD
LG