Link açıqlığı

Smedlâyev: Qırımda «mayıs 3» işi boyunca mahkeme toplaşuvı oktâbr 30 künü video konferentsiyası ile keçirecekler


2014 senesi Qırım ile memuriy sıñırda qırımtatar milliy yetekçisi Mustafa Cemilevni qarşılağan faallerge nisbeten Ermeni Bazarda oktâbr 27-ne planlaştırılğan mahkeme toplaşuvı kene olmadı, dep bildire Qırımtatar Milliy Qurultayınıñ Merkeziy Saylav komissiyasınıñ reberi Zair Smedlâyev.

Aytqanı kibi, buña kene şaatnıñ olmaması sebep oldı. Toplaşuvnı cuma künü, oktâbr 30-na keçirdiler, şaat ile videobağnı quracaq olalar.

Ermeni Bazarda işbu aktsiya iştirakçileri – Tair Smedlâyev ve Edem Osmanovğa nisbeten işler baqıla.

Tair Smedlâyevni 2014 senesi oktâbr ayında yaqaladılar. 2014 senesi dekabr ayında Tair Smedlâyevni kefalet boyunca azat ettiler.

Edem Osmanov yanvar 19-da Aqmeçitte yaqarlıq noqtasında yaqalanğan edi. Onı 2014 senesi mayıs 3-te qırımtatar halqınıñ lideri Mustafa Cemilevni Ermeni Bazarda qarşılav aktsiyasında uquq qoruyıcı organlarnıñ hadimlerine qarşı küç qullanuvında şekleyler. Yanvar 21-de mahkeme onı eki ayğa apiske almağa qarar aldı. Fevral 25-te, «mayıs 3» işi boyunca yaqalanğan Edem Osmanovnı SİZOdan azat ettiler.

Evel Qırımnıñ rusiyeli prokuraturası Ermeni Bazarnıñ şeer mahkemesi Aqmescit rayonınıñ sakini 45 yaşında Edem Ebulisov «mayıs 3» işi boyunca qabaatlı olğanını bildirdi. Oña 40 biñ ruble miqdarında para cezasını berdiler.

XS
SM
MD
LG