Aluştanıñ mesken evleriniñ birinde Ukraina milliy bayrağını astılar. Bunı «Argumentı nedeli.Krım» bildire.
Neşirniñ bildirgenine köre, bayraq Aluştadaki evniñ yedinci qatında asıldı. Ukraina devletiniñ tuğrası daireniñ iç tarafına baqa.
«Azbar qomşuları çorlana ve daire saibinden qomşu devletniñ timsalini alıp taşlamağa talap eteler. Amma sakinlerden bazıları buña lâqayt qala, misal içün nefaqacılar. «Amerika bayrağını assıñ ve öz-özünen yaşasıñ», – yaza neşir.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay
