Aqmescitte «acele» yardım stantsiyasına etilgen ücüm neticesinde elâk olğan ve zarar körgenerniñ ailelerine 1,2 mln ruble topladılar, dep bildire Rusiye Sağlıq saqlav nazirliginiñ matbuat hızmeti.
Qırım ekimleri birliginiñ reisi Lenara Musayeva aytqanı kibi, zarar körgenlerge para toplav aktsiyasında Rusiyeniñ çeşit şeerlerinden 80 insan iştirak etti.
«Komissiya işbu paranı zarar körgenlerniñ aileleri arasında bölmege qarar aldı», – denile beyanatta
Mında şunı da bildirdiler ki, elâk olğan ve zarar körgenlerniñ ailelerine para toplamağa devam eteler.
Sentâbr 26-da, av tüfegi ile silâlanğan erkek Aqmescitte Sevastopolskaya soqağında yerleşken «acele» yardım binasına kirip, hastahaneniñ dört hadimine ateş açtı. Eki hadim elâk oldı.
Oktâbr 10-da, Aqmescit rayonında er kişiniñ cesedi tapıldı, ilk malümatlarğa köre, Aqmescitte «acele» ekimleriniñ öldürüvinde şeklengen Bekir Nebiyevge ait.
