Link açıqlığı

Latviya prezidenti Poroşenko ile körüşüvde Rusiyeni Qırımnıñ işğalinden sebep takbih etti


Latviya Cumhuriyetiniñ prezidenti Raimonds Vējonis Ukraina prezidenti Petro Poroşenko ile Kiyevde oktâbr 27 künü keçirilgen körüşüvde Latviya iç bir vaqıt Qırım işğalini tanımaycağı aqqında bildirdi.

Bu aqta Ukraina prezidentiniñ saytında aytıla.

«Latviya Qırım işğalini iç bir vaqıt tanımaz ve Ukrainağa er daim yardım etecek», – dedi Raimonds Vējonis.

O Rusiye tarafından halqara uquqnıñ bozulması mümkün olmağanını qayd etti. Beyanatta aytılğanı kibi, Latviya prezidenti Avropa Birligi ve onıñ memleketi Ukraina topraq bütünligine ve mustaqilligine qol tuta ve halqara uquqqa mıtlaq riayet etilmesiniñ tarafdarı olğanını qayd etti.

Poroşenko Birleşken Milletler Teşkilâtınıñ Baş assambleyasındaki sessiyasında ve Ukrainağa BMT muvaqqat azası statusınıñ berilmesi içün rey berüvde Ukrainağa destek köstergen Latviyağa minnetdarlığını bildirdi.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG