Ukraina prezidentiniñ qırımtatar halqınıñ işlerinden vekâletlisi Mustafa Cemilev dey ki, «Milliy mensüplik boyunca sürgün etilgen şahıslarnıñ aqlarınıñ ğayrıdan tiklenmesi aqqında» Ukraina qanunı Qırım Ukraina nezareti altına qaytmasından soñ çalışacaq. Amma şimdi Qırımnıñ tarihiy toponimikasınıñ qaytarılması boyunca ayrı qanunnıñ qabul etilmesi mümkün olğanını tüşüne.
Bunı vekâletliniñ matbuat hızmeti bildire.
«Tazminat, toponimikanıñ qaytarılması ve ilâhre – işğalden azat etilüvden soñ mümkün», – dey Cemilev.
Amma, onıñ fikrine köre, şimdi, bu qanunğa esaslanıp, ukrain akimiyeti tarihiy toponimikanıñ ğayrıdan tiklenmesi aqqında ayrı qanunnı qabul ete bile.
«Emiyeti pek büyük. Devlet adlarnıñ deñiştirilmesi aqqında qarar alsa, bütün bu adlar dünya haritalarında peyda olacaq. İşğalci akimiyet Rusiye ya da Moskvada bastırğan soylarında degil, dünyanıñ diger memleketleri. Olar halqara uquqqa riayet ete», – dey Cemilev.
Cemilev yaqında bildirgeni kibi, 2014 senesi aprelde qabul etilgen «Milliy menüsplik boyunca sürgün etilgen şahıslarnıñ aqlarınıñ ğayrıdan tiklenmesi aqqında» Ukraina qanunı amelde qullanılmay.
