Qırımğa iş ziyareti ile Rusiye Federatsiyasınıñ vatandaşlıq mudafaa, fevqulâde vaziyetler ve felâket aqibetleriniñ yoq etilmesi boyunca naziri Vladimir Puçkov keldi.
Bunı Qırımnıñ rusiyeli ükümetiniñ matbuat hızmeti bildire.
«Qırımğa iş ziyareti çerçivesinde Vladimir Puçkov Qırım Cumhuriyeti boyunca Rusiye Fevqulâde işler nazirliginiñ baş idaresine yanğın tehnikasını ve bayraqnı berüv tedbirinde iştirak etecek», – denile beyanatta.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
