Ukrainanıñ ekstremizm tedqiqi institutınıñ eksperti Bogdan Petrenkonıñ fikrine köre, Rusiye akimiyeti terrorizm havfını ve onıñ ile küreşni memlekeni birleştirmek içün qullana.
Bunı o oktâbr 27 künü Qırım.Aqiqat Radiosınıñ saba efirinde bildirdi.
«Bunı atta Rusiye tedqiqatçıları ayta – ekstremizm qoruv efsanesidir, siyasiy sistemanıñ esas vazifesi – özüni qorumaqtır. Sistema, Rusiyede 90-ncı seneleri olğanı kibi, dağılmağa başlağanda, akimiyet onı birleştire bilecek usullarnı qullanmağa başlay. Memleketni içinden birleştirecek qıymetler olmasa, akimiyet onı qorquzuv, telüke ile birleştire, ve ekstremizm aqiqiy bir efsanedir», – dey o.
Rusiye prezidenti Vladimir Putin 2015 senesi baarde terrorizm ve ekstremizmge çağıruvlar içün cezalarnı arttırğan qanunnı imzaladı. Oña köre, kütleviy matbuat vastaları içün ceza million rublegece yete. Bundan evel azamiy para cezası 100 biñ rubleni teşkil ete edi. Aşğariy para cezası de deñişti – 50 biñ rubleden 100 biñge yetti.
