Link açıqlığı

Qırımda «mayıs 3» işi boyunca mahkeme toplaşuvı keçecek – Smedlâyev


Salı künü, oktâbr 27-de, Qırmınıñ Ermeni Bazar şeerinde Qırım ile memuriy sıñırda qırımtatar milliy yetekçisi Mustafa Cemilevni qarşılamağa çıqqan faallerge nisbeten açılğan «mayıs 3» işi boyunca mahkeme toplaşuvı keçecek.

Bunı Qırımtatar Milliy Qurultayınıñ Merkeziy salyav komissiyasınıñ başı Zair Smedlâyev bildirdi.

Onıñ malümatına köre, şu sırada Tair Smedlâyev ve Edem Osmanovnıñ işleri baqılacaq.

Qırımtatar faalleri Tair Smedlâyev ve Edem Osmanovnıñ işleri boyunca mahkeme toplaşuvı 2015 senesi sentâbr 22 künü keçirildi. Amma o vaqıt mahkemege şaatnıñ kelmegeni sebebinden teneffüs ilân etildi.

Tair Smedlâyevni 2014 senesi oktâbr ayında yaqaladılar. 2014 senesi dekabr ayında Tair Smedlâyevni kefalet boyunca azat ettiler.

Edem Osmanov yanvar 19-da Aqmeçitte yaqarlıq noqtasında yaqalanğan edi. Onı 2014 senesi mayıs 3-te qırımtatar halqınıñ lideri Mustafa Cemilevni Ermeni Bazarda qarşılav aktsiyasında uquq qoruyıcı organlarnıñ hadimlerine qarşı küç qullanuvında şekleyler. Yanvar 21-de mahkeme onı eki ayğa apiske almağa qarar aldı. Fevral 25-te, «mayıs 3» işi boyunca yaqalanğan Edem Osmanovnı SİZOdan azat ettiler.

Evel Qırımnıñ rusiyeli prokuraturası Ermeni Bazarnıñ şeer mahkemesi Aqmescit rayonınıñ sakini 45 yaşında Edem Ebulisov «mayıs 3» işi boyunca qabaatlı olğanını bildirdi. Oña 40 biñ ruble miqdarında para cezasını berdiler.

XS
SM
MD
LG