Link açıqlığı

Qırımnıñ rusiyeli başı Sergey Aksenov energiya effektivligini ve energiya havfsızlığını kün tertibiniñ esas meseleleri olaraq belgiley.

Bunı Qırmınıñ rusiyeli ükümetiniñ matbuat hızmeti bildire.

«Bizim içün energiya effektivligi ve energiya havfsızlığı – ögümizde olğan esas meselelerdir. Bugün energetika saasına ihtisaslı mütehassıslar kerek», – dedi o İ.M.Gubkin adına Rusiye devlet universitetiniñ rektorı Viktor Martınov ile körüşüvde.

Qırım yarımadasına elektroenergiyası qıtaiy Ukrainadan kele. Qırım ukrain elektroenergiyasına 80% bağlı.

Qırımnıñ rusiyeli ükümetiniñ yaqarlıq ve energetika nazirligi yarımada sakinlerini elektrik energiyasını iqtisat etmege çağırdı. Bu kibi ricalar Herson vilâyetinde elektrik yolaqlarınıñ bozuluvından soñ peyda oldı.

XS
SM
MD
LG