Qamaçav iştirakçileri tarafından Eski Qırım şeeriniñ sakini Оleg Pankovnıñ yaqalanuvı evelden azırlanılğan edi, dedi halq deputatı Georgiy Logvinskiy.
«Tesadüfiy şey degil eli. Bütün bu vaqıt devamında bağ ve maqsaltalr belgilene edi. Çünki bu insanlar, adet üzre, Ukraina territoriyasında cinayet omuzdaşlarını tapa, separtist areketlerini ete. Bunı belgilemek kerekmiz. Bu alda yaş adamnı «Azov» polkunıñ militsiya hadimleri yaqaladı ve bu insan mütenasip nezaret altında edi, SBU hadimleri anda tesadüfen bulunmağan edi ve onı tesadüfen yaqalamadılar»,– dedi o Qırım.Aqiqat Radiosınıñ aqşam efirinde.
Deputatnıñ aytqanı kibi, devlet hainliginde 274 mahkemeci, 150-den ziyade prokuror qabaatlana. Onıñ sözlerine köre, antından vazgeçken adiy militsiya hadimi de yaqalana bile.
«Hadimlerimiz olğan insanlarğa itirazımız bar. Ukraina ve halqına ant etken insanlarğa»,– dedi Logvinskiy.
Siyasetçi Ukraina qanuniyetini bozmağan qırımlılarğa qorqmayıp, qıtaiy Ukraina territoriyasına kelmege tevsiye etti.
«Adiy vatandaşlar. Olarğa aqiqaten reinelerge kibi davranamız. Ukraina vatandaşlarını qorçalap olamasa, olarğa separatist demege aqqımız yoq olğanını añlaymız»,– dey o.
Qırımnıñ vatandaşlıq qamaçavınıñ iştirakçileri yarımada ile memuriy sıñırda Eski Qırımnıñ sakini Оleg Pankovnı yaqaladılar. Olarnıñ aytqanına köre, o 2014 senesi mart ayındaki referendumnıñ saylav komissiyasınıñ reisi edi. Bunı Qırım.Aqiqat mühbirine qamaçav işitrakçilerinden biri, «Azov» batalyonınıñ temsilcisi tarif etti.
Qırım.Aqiqatnıñ subetdeşi aytqanı kibi, Pankov evel ukrain ordusında hızmet etken edi, Qırım işğalinden soñ ise «DHC» tarafında cenkleşti. Pankov Qırımğa avtobus vastası ile kirecek edi.
«Azov» askerleri yaqalanğan şahısnı Ukraina havfsızlıq hızmetine teslim ettiler, onı, ilk malümatqa köre, Hersonğa alıp kettiler.
Herson vilâyetinde Ukraina İçki işler nazirliginiñ Baş idaresinde Qırım.Aqiqatqa işbu malümatnı tasdiqladılar, amma tafsilâtlı malümatnı aydınlatmadılar.
