QMC Yuqarı Radasınıñ devlet hainliginde qabaatlanğan sabıq deputatı Vasiliy Ganışnıñ işi boyunca nevbetteki mahkeme toplaşuvı bazarertesi künü, oktâbr 26-da, Kiyevde keçirildi.
İşbu toplaşuvda, Qırım.Aqiqat bildirgeni kibi, şaatlar iştirak etti, olarnıñ arasında Qırımtatar Milliy Meclisiniñ reisi Refat Çubarov.
«Endi mahkeme toplaşuvından qayttım, mında Qırım Muhtar Cumhuriyetiniñ Yuqarı Radasınıñ sabıq deputatı Ganış Vasilniñ işi boyunca şaat olaraq iştirak etim… İster-istemez 2014 senesi fevral 25-mart 16 vaqialarını hatırladım… Amma, doğrusnı aytsam, mahkemede devlet hainliginde qabaatlanğanlar sırasında Aksenov, Konstantinov, Doniç, Tsekov kibi alçaq erifler olsa, keyfim başqa olur edi», – yazdı o Facebookta.
Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıqışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.
Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân ett
