Link açıqlığı

Aqmescitte qırımtatar uçucısı, Sovet Birliiginiñ eki defa qaramanı Amet-Han Sultannıñ idmanları keçken «Zavodskoye» ava limanında ava tehnikası müzeyini quracaq ve onıñ doğuvından 95 yıl olğanı munasebeti ile Şüret Alleyasını meydanğa ketirecek olalar.

«Bugün olacaq memorial kompleksi territoriyasında temel taşı qoyuldı. Açılışta Moskva ve Moskva valiyayetinden kelgen eyyet iştirak etti. – «Memleketniñ nam qazanğan uçucılarnıñ klubı»nıñ temsilcileri, Aqmescit rayonı memuriyetinden memurlar, talebeler ve Perovo köyüiniñ sakinleri», – denide beyanatta.

Zavodskoye ava limanı – Qırımda Aqmescitniñ yerli ava yolaqlarınıñ ava limanı.

Bu künleri uçucı-sınavcı, Sovet Birliginiñ eki defa qaramanı Amet-Han Sultannıñ doğuvından 95 yıl ola.

Sovetlerniñ uçucısı Amet-Han Sultan 603 cenk uçuşını yaptı, 30 uçaqnı şahsen ve 19 uçaqnı taqım içinde qırdı. Yaz işi devamında uçucı 100 uçuş vastasını ögrendi. 1971 senesi fevral 1-de Amet-Han Sultan Tu-16 uçuş laboratoriyasında sınav uçuşında elâk oldı. Moskvada defn etilgen edi.

XS
SM
MD
LG