Link açıqlığı

Qırımda «fevral 26» işi boyunca yaqalanğan faaliniñ şikâyet arizası baqılacaq


Aqmescitte oktâbr 26 –da 2014 senesi fevral 26 künü olğan «kütleviy nizamsızlıq» cinaiy işniñ çerçivesinde yaqalanğan qırımtatar faali Ali Asanovnıñ işi baqılacaq. Bunı Qırımtatar Milliy Qurultayınıñ Merkeziy Saylav Komissiyasınıñ reisi Zair Smedlâyev bildirdi.

Onıñ sözlerine köre, bazarertesi künü saat 14:00 Ali Asanovnıñ Aqmescit Kiyev rayon mahkemesiniñ onıñ apiste noyabr 19-na qadar bulunması aqta qararına şikâyet arizası baqılacaq.

Hatırlatamız, taqiqatqa köre, Ali Asanov 2014 senesi fevral 26-da Qırım parlamentiniñ binası yanında Ukraina topraq bütünliginiñ tarafdarları ve «Rus birligi» firqası faalleriniñ iştiraki ile çoq biñli mitingde yüz bergen kütleviy çatışmalarnıñ iştirakçisi edi.

Delillerge baqmadan, ne birinci instantsiya mahkemesi, ne de Qırımnıñ Yuqarı mahkemesi adliyeciniñ Asanovnı azat etmek muracaatını qabul etti. Ali Asanovnıñ apis cezası aqımdaki seneniñ oktâbr 15-de bite. İyün ayında Asanovlar qorantasında dörtünci bala doğdı.

XS
SM
MD
LG