Oktâbr 25 künü yerli saylavlarda rey berip olamağan Qırım ve Donbasstan köçip kelgenler Avropa mahkemelerine, şu cümleden İnsan aqları boyunca Avropa mahkemesine muracaat etmeli, dep tüşüne Qırımdan köçip kelgen Yakov Vitük. O, ukrain mahkemesinden rey bermek aqqını qorçaladı.
Bunı o oktâbr 26 künü Qırım.Aqiqat Radiosınıñ efirinde bildirdi.
«Ukrain akimiyeti, ukrain mahkemeleri köçip kelgenlerge Ukrainanıñ diger vatandaşları ile musaviy aqlarnı bermege istemese, bunı Avropa mahkemelerinden talap etmege kerek», – dedi Vitük.
Ukrainada, işğal etilgen Qırım ve Donbasstan ğayrı, oktâbr 25 künü yerli saylavlar keçti. Qıtaiy Ukrainada daimiy qaydsız yaşağan qırımlılar saylavlarda iştirak etip olamadılar.
