Link açıqlığı

Qırımda içtimaiy-iqtisadiy vaziyet kütleviy narazılıq aktsiyalarını teşkil etmek içün o qadar kergin degil. Bu fikirni Qırım.Aqiqat Radiosınıñ «Krımskiy.Parmezan» programmasınıñ musafiri, Qırım blogeri Sergey Psarev bildirdi.

«Menimce, insanlar narazılıqqa çıqmağa azır degil, em istemey. Em de yaz mevsimi keçti. Yahşımı, yoqmı – şimdi belgisiz. İnsanlarnıñ qışta aqçası ne qadar tez bitecegine baqarmız, fiyatlar köterilirmi, aylıqlar qısqartılırmı», – dey o.

Bunıñ ile Psarev şunı qayd etti ki, Ukraina, onıñ fikrine köre, Qırımda Rusiye teşviqatınа qarşılıq köstermek içün bir şey yapmay.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG