Link açıqlığı

Qırım qamaçavı boyunca vatandaşlıq aktsiyası dünya alanına tek yarımada işğali mevzusını degil de, Ukraina mevzusını da qaytardı. Bunı Qırımtatar Milliy Meclisiniñ reisi Refat Çubarov ATR telekanalınıñ canlı efirinde oktâbr 24 künü bildirdi,haber ete Qırım.Aqiqat mühbiri.

«İlk nevbette, tek Qırım meselesini degil de, dünya siyasetine Ukraina mevzusını da qaytardıq», – dey o.

Çubarov şunı qayd etti ki, qamaçav teşebbüsçileri «işğalci akimiyet»niñ qıtaiy Ukraina malına bağlı olğanını añlaylar. Bunıñ ile avtoritar rejimlerge qamaçav kibi basqı şekilleri evelden de qullanılğanını qayd etti.

«Teessüf ki, bu aletni tam şekilde qullanıp olamaymız», – dedi o, çünki Ukrainadan Qırımğa elektrik energiyası alâ daa berile.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG