Link açıqlığı

Poklonskaya Meclisniñ «ekstremist teşkilât» olaraq tanıla bilecegini tüşüne


Qırımnıñ rusiyeli prokurorı Natalya Poklonskaya Meclisniñ «ekstremist teşkilât» olaraq tanılacağını ve faaliyetiniñ yasaq etilecegini tüşüne.

«Nasıldır bir muayyen teşkilâtnıñ yasağı aqqında söz ketmey. Meclis teşkilât kibi tanılmay, çünki Rusiye Federatsiyasında o yuridik ceetten qayd etilmegen. Mında areket nazarda tutıla, yani özlerini mevcut olmağan Meclis ile bağlağan şahıslarnıñ areketleri. Bu faaliyet, elbette ki, qanunsız ya da ekstremist olaraq tanıla bile», – yazdı Poklonskaya Facebookta.

Onıñ sözlerine köre, qırımtatarlarnıñ çoqusı Qırım qamaçavı sebebinden «Cemilev ve Çubarovnıñ areketlerine şikâуеt etken ekenler».

Qırımtatar Milliy Meclisiniñ birinci muavini Nariman Celâlnıñ sözlerine köre, Mecliste cemaat faaliyetiniñ diger şekillerini taparlar.

Rusiye Qırımnı 2014 senesi baarde işğal etkeninden soñ, qırımtatarlarnıñ yetekçileri Refat Çubarov ve Mustafa Cemilevge yarımada kirişini beş yılğa yasaq ettiler.

XS
SM
MD
LG