Kiyevde, oktâbr 25 künü Ebediy Şüret Bağçasında Sovet Birliginiñ eki defa qaramanı, efsaneviy qırımtatar uçucı-sınavcı Amet-Han Sultannıñ doğuvından 95 yıl olğanı munasebeti ile hatıra tedbiri keçirilecek.
Bu aqta Qırımtatar yaşlar merkezi bildire.
Teşkilâtnıñ malümatına köre, Kiyev bağçasında Amet-Han Sultan abidesine çeçeklerniñ qoyuv tedbiri keçirilecek. Tedbirde qırımtatarlarnıñ milliy lideri, Ukraina halq deputatı Mustafa Cemilev, Qırımtatar Milliy Meclisiniñ reisi, Ukraina halq deputatı Refat Çubarov, devlet ve cemaat erbapları iştirak etecek.
Qırımnıñ rusiyeli ükümetiniñ malümatına köre, işbu tedbirler oktâbr 24-26 künleri Aqmescit, Aluşta ve Alupkada da keçirilecek.
Şu cümleden, cumaertesi künü Aqmescitte tantanalı merasimler keçirilecek, Alupkada bazar künü Amet-Han Sultan müzeyinde yanartılğan sergini açmaq niyetindeler, Perovo köyünde oktâbr 26 künü memorial kompleks ve ava tehnikası müzeyi olacaq yerde taş qoyulacaq, aynı şu künü «Qırım müendis-pedagogik universitetinden» konferentsiya keçirilecek.
Sovetlerniñ uçucısı Amet-Han Sultan 603 cenk uçuşını yaptı, 30 uçaqnı şahsen ve 19 uçaqnı taqım içinde qırdı. Yaz işi devamında uçucı 100 uçuş vastasını ögrendi. 1971 senesi fevral 1-de Amet-Han Sultan Tu-16 uçuş laboratoriyasında sınav uçuşında elâk oldı. Moskvada defn etilgen edi.
