Qırımtatar Milliy Meclisiniñ birinci muavini aytqanı kibi, qırımtatarlarnıñ temsiliy organı faaliyetiniñ Rusiye ve nezareti altında olğan Qırımda yasaq etilecegine azır.
Bunı o Qırım.Aqiqatqa bildirdi.
«E, yasaq ete bileler, buña ruhiy ceetten azırmız. Qırımda yasaq etseler, qıtaiy Ukrainada Meclis işine devam etecek. Qırımtatarlarnıñ yetekçisi anda buluna, Meclis reisi andadır, Meclisniñ daa altı azası anda yaşay. Qırım aqqında aytacaq olsaq, bugün özlerini qırımtatar halqınıñ taqdiri içün mesuliyetli sayğan, qırımtatar halqı tarafından saylanılğan insanlar özlerini Meclis azaları olaraq adlamasa da, bu olarğa qırımtatar halqınıñ aqlarını, insan aqlarını qourmağa, qırımtatarlarnıñ medeniyetini saqlamağa keder etmeyceginden eminim», – dedi o.
Celâlnıñ sözlerine köre, Mecliste cemaat faaliyetiniñ diger şekillerini taparlar.
«Böyle qararnı alıp, olar Qırımda cemaat faaliyetiniñ, söz serbestliginiñ sıñırlanuvını tasdiqlarlar», – dey Celâl.
Oktâbr 23 künü Rusiye Federatsiyasınıñ Cemaat palatası Rusiye Baş prokuraturasına muracaat etip, Qırımtatar Milliy Meclisiniñ faaliyetini ekstremizmge teşkermege rica etti. Böyle muracaatnıñ sebeplerinden biri – Qırımnıñ Herson vilâyeti tarafından «ticariy» qamaçavı oldı. Qırımnıñ rusiyeli prokurorı Natalya Poklonskaya Meclisniñ «ekstremist teşkilât» olaraq tanılacağını ve faaliyetiniñ yasaq etilecegini nazarda tutqanını bildirgen edi.
Rusiye Qırımnı 2014 senesi baarde işğal etkeninden soñ, qırımtatarlarnıñ yetekçileri Refat Çubarov ve Mustafa Cemilevge yarımada kirişini beş yılğa yasaq ettiler.
