Link açıqlığı

Aqmescitte oktâbr 23 künü ekinci «Rusiye matbuat vastalarınıñ festivali» başlandı. Qırım.Aqiqat mühbiri bildirgeni kibi, Lenin meydanında Qırım ve Rusiyeniñ ileri neşirleriniñ temsilcileri toplandı. Amma planlaştırılğan tantanalı açılış şeerdе saba yağmurnıñ yağmasından sebep olmadı.


«Men Rusiye matbuat vastaları ve Qırım arasında mesafeni qısqartımaq içün memnüniyet ile mında keldim. Menimce, Qırımda Rusiyeniñ «İzvestiya», «Zavtra» kibi gazetaları olmalı. İnsanlarğa bunı ketirmek kerek, qıyın bir şey yoq. Çünki memleketimizde olğan vaqialar aqqında tam resimni matbuat vastaları köstere», – dedi festivalde bulunğan Rusiye yazıcısı Zahar Prilepin.
Tedbirler Rusiye ve Qırımnıñ basma mahsulatı yerleşken büyük çadırda keçirildi. Er istegen insan bedava neşirlerni ala bile edi – gazeta, mecmua, risale.


Festival musafirleri neşirlerni faal sürette ala edi, neticede bütün olar şeer merkezinde dağılğan edi.


Festival şeerde eki kün devam etecek.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG