Katon İnstitutınıñ global serbestlik ve ilerilev boyunca merkeziniñ ilmiy hadimi, Rusiye prezidentiniñ sabıq yardımcısı Andrey İllarionov aytqanı kibi, Ukraina akimiyeti işğal etilgen Qırım üzerinde mustaqilliginiñ qaytarılması ile meraqlanmay.
Bunı o Radio Svobodağa bildirdi.
«Qırım meselesi Rusiyeniñ şimdiki akimiyeti onı işğal etkeni ve Ekinci cian cenkinden soñ 70 yıl devamında üküm sürgen halqara uquqnıñ bozuluvı ile Rusiye territoriyasına qoşuluvında degil, mesele şunda ki, Ukraina tarafından Qırım üzerinde mustaqilligini pekitmek içün meraq körünmey», – dedi o.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
