Cuma künü, oktâbr 23-de, saba «Çonğar-Aqmescit» marşrutı boyunca yol alğan avtobus ile yol qazası yüz berdi.
Bunı Qırım boyunca Rusiye Fevqulâde işler nazirliginiñ matbuat hızmeti bildirdi.
Nazirlikniñ malümatına köre, yol qazası Canköyde, Çonğar – Aqmescit – Krasnoperekopsk – Kefe yolunıñ çarpazında yüz berdi. Avtobus «VAZ» maşinasına uruldı.
«VAZ» maşinasından eki yaralanğan insannı Canköy hastahanesine ketirdiler. Yolcular ile avtobus yoluna devam etti», – denile beyanatta.
Qaza sebebi ve yolcularnıñ alı belgisizdir.
