Link açıqlığı

Ukraina 2015 senesi oktâbr 25-ne keçer gecesi «qış vaqtına» keçecek.

Ukraina iqtisadiy inkişaf ve ticaret nazirliginiñ bildirgeni kibi, oktâbr 25 künü saat 4:00 saat aqrepleri bir saatke artqa çevirilecek.

Böyleliknen, Ukraina territoriyasında, Rusiye nezareti altında olğan Qırımdan ğayrı, 13.05.1996 senesi «Ukraina territoriyasında vaqıt esaplavı aqqında» Ukraina Nazirler kabinetiniñ qararına binayen, yaz vaqtı lâğu etile.

1996 senesinden Ukraina oktâbrniñ soñki bazar kününde bir saatke ögge çevirilgen yaz vaqtından qış vaqtına qayta, martnıñ soñki bazar künü keri yaz vaqtına.

2014 senesi oktâbr ayında Rusiyede saatnıñ daimiy qış vaqtına çevirilmesi aqqında qarar alındı.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG