Qırım ve Donbasstan mecburen köçip kelgenlerge rey bermek aqqı berilse, olar Ukrainadaki yerli saylavlar neticesine olduqça tesir etecek kibi fikir yañlıştır, dep tüşüne mecburen köçip kelgenlerniñ işleri boyunca bütünukrain teşkilâtınıñ başı Oksana Yermişina.
Bu aqta o oktâbr 23 künü Qırım.Aqiqat Radiosınıñ efirinde bildirdi.
«Biz (köçip kelgenler) yerli saylavlar neticesine tesir ete bilermiz kibi fikirlerni isaiyatnı bilmegen insanlar seslendire. Ukrainanıñ köçip kelgenlerge eñ tolu regionlarında bile ealiniñ beş fayızını bile teşkil etmeymiz. Em Qırım, em Donbasstan köçip kelgenlerge ait. Yani saylavlarnıñ ketişatını deñiştirmek, nasıldır bir namzetni ögge keçirmek… biz bir şey yapıp ve saylavlarnıñ neticesine tesir etip olamaz edik», – dey o.
Ukrainada bu raatlıq künleri olacaq yerli saylavlarda Qırım sakinleri rey bermeycek, ammaUkraina çeşit regionlarında eñ azından Qırımnıñ yedi vatandaşı şeer başı ve deputat vazifelerine nаmzetlerini kösterdi..
Ukrainada, ukrain akimiyetiniñ nezareti altında olmağan Qırım ve Donbasstan ğayrı, oktâbr 25 künü yerli saylavlar keçirilecek. Qıtaiy Ukrainada qayd etilmegen qırımlılar saylavlardaa rey bermeycekler.
