Link açıqlığı

Saatnıñ esas haberi

Liyev: Ukraina içün Qırımnıñ qaytaruv meselesi müim degil


«Qırımnıñ işğalden azat etilmesi» ile bağlı mesele Ukrainanıñ milliy ğayesi ola bile. Bunı Qırım.Aqiqat Radiosınıñ efirinde Qırımnıñ kurort ve turizm sabıq naziri, Ukrainanıñ agrar siyaseti naziriniñ keñeşçisi Aleksandr Liyev bildirdi ve şimdi «işbu mesele devlet tarafından baqılmağanını» qayd etti.

Aleksandr Liyevniñ fikrine köre, Ukraina yarımadanıñ işğalden azat etilmesiniñ strategiyasını işlep çıqarmalı.

«Devlet ğayet menfiy işmarnı yollay. Putin içün müsbet, Ukraina tarafdarı olğan qırımlılar içün menfiy. Menim, siziñ içün. Bugün yarımada meselesi pek te müim olmağanı aqta bir işmar», – dey Liyev.

Ukraina agrar siyaseti naziriniñ keñeşçisi dey ki, Ukraina devleti Rusiyege halqara teşkilâtlardan tesir ete bile, amma bunı yapmay. Liyevniñ aytqanı kibi, Ukraina Qırım meselesini er bir saada kötermeli, Ukraina agrar siyaseti nazirligi etkeni kibi.

«Ukraina agrar siyaseti naziriniñ keñeşçisi olam. Biz bu mesele ile «Massandra», «Novıy Svet»ten oğraşamız ve ilâhre. Olarnıñ halqara toplulıqta işini blok etemiz. Rusiye eksperteleri degeni kibi, bu sebepten şirketler müflis olmaqtadır. Olarnı Rusiye devlet şirketleri olaraq adlaylar. Böyle alda, yardım etsinler, aqaça ile, Rusiye rubleleri ile»,– skazal Liyev.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG