Link açıqlığı

Yermişina: saylavlarda rey bermege aqqı olmağan köçip kelgenler – Ukrainanıñ halqara namına darbe endirecek


Ukrainada yerli saylavlarda mecburen köçip kelgenlerden rey bermege aqlarını tutıp almaq – ayırım ve Ukrainanıñ halqara namına leke manasında kele, dep tüşüne mecburen köçip kelgenlerniñ işleri boyunca bütünukrain teşkilâtınıñ başt Oksana Yermişina.

Bu aqta o oktâbr 23 künü Qırım.Aqiqat Radiosınıñ efirinde bildirdi.

«İnsanlarğa cemiyet ayatında iştirak etmege aq bermemek, yalıñız ahlâqsız degil, halqara qaidelerniñ bozuluvıdır. Olar işbu cemiyetke bergi ödey, aylıqlardan alınğan aqçağa rayonnıñ bücetini teşkil eteler, resmiy sürette çalışalar», – dedi Yermişina ve şunı qoştı ki, Avropa ile Ukrainanıñ bir sıra ekspertleri bunı «Anayasa aqlarnıñ bozuluvı» olaraq adladı ve «Ukraina adına darbe» olğanını qayd ettiler.

«Halqara qaidelerge köre, köçip kelgenler özlerini işbu territoriyanıñ qısmı olaraq tanısa, rey bermege aqları bar. Misal içün, Almaniyada üç aydan ziyade yaşasañız, Yerli saylavlarda saylayıcı kibi iştirak ete bilesiñiz. Bütün dünyada köçip kelgenlerni alsaq, olarnıñ da öyle aqqı bar. Gürcistanda böyle şahıslar yerli saylavlarda iştirak ete bile», – dey o

Ukrainada bu raatlıq künleri olacaq yerli saylavlarda Qırım sakinleri rey bermeycek, ammaUkraina çeşit regionlarında eñ azından Qırımnıñ yedi vatandaşı şeer başı ve deputat vazifelerine nаmzetlerini kösterdi..

Ukrainada, ukrain akimiyetiniñ nezareti altında olmağan Qırım ve Donbasstan ğayrı, oktâbr 25 künü yerli saylavlar keçirilecek. Qıtaiy Ukrainada qayd etilmegen qırımlılar saylavlardaa rey bermeycekler.

XS
SM
MD
LG