Aqmescitniñ arbiy komissarı dey ki, Rusiye Silâlı quvetlerinde hızmet etmege istegenlerniñ sayısı şeerge kelgen fermandan da büyüktir. Aytqanı kibi, oktâbr 1-21 künleri çağıruv komissiyasına 600-den ziyade insan keldi.
Bunı Aqmescitniñ rusiyeli memuriyeti saytında bildirile.
«İsetegenler çoq. Sağlığından sebep arbiy hızmetni eda etip olamağan gençler bile olarnı orduğa yollamağa rica eteler», – dep bildire arbiy komissarlıqnıñ matbuat hızmeti.
Matmathanovnıñ sözlerine binayen, bu çağıruvğa «azır ve beden ceetinden sağlam gençler» kirecek.
Malümatqa köre, yaqında birinci kere askerlerni orduğa yollağanlar – Aqmescitten 29 yaş Qırım boyunca yerleşken arbiy qısımlarğa tarqatıldı.
«Umumen ise işbu çağıruv kampaniyası devamında Aqmescitniñ 125 sakini Rusiye Federatsiyasınıñ Silâlı quvetleriniñ sırasına kirecek», – denile beyanatta.
Evel Qırımnıñ baş arbiy komissarı Anatoliy Maloletko aytqanı kibi, Rusiye arbiy biletini almaq içün qayd etilmegen Qırım sakinlerine noyabr ayından para cezalarını berecekler – 100-500 ruble.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
