Link açıqlığı

Qırımnıñ Rusiye Devlet şurasınıñ başı Vladimir Konstantinov jurnalistlerge aytqanı kibi, yarımada bücetini iqtisat etmek içün aylığından vazgeçmege azır.

Bu aqta Qırım parlamentiniñ matbuat hızmeti bildire.

«Qırım bücetini iqtisat etmek içün Vladimir Konstantinov noyabr 1-den öz aylığından vazgeçecek», – denile beyanatta.

Böyleliknen, qayd etiler beyanatta, Konstantinov oktâbr 22 künü yarımadanıñ rusiyeli Devlet şurası tarafından birinci oquvda qabul etilgen qanun leyhasına qol tuttı. Oña köre Qırım parlamentiniñ yolbaşçılığı aylıqsız çalışa bile.

Vesiqada aytılğanı kibi, söz 30 deputat aqqında kete – komitetlerniñ başları ve muavinleri.

Qırımnıñ rusiyeli Devlet şurasında 110 deputat bar. Qırım Muhtar Cumhuriyetiniñ Rusiye işğalinden evel muhtariyet parlamentinde 100 deputat bar edi.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG