Link açıqlığı

Ukrainada bu raatlıq künleri olacaq yerli saylavlarda Qırım sakinleri rey bermeycek, amma Qırım.Aqiqatnıñ malümatına köre, Ukraina çeşit regionlarında eñ azından Qırımnıñ yedi vatandaşı şeer başı ve deputat vazifelerine nemzetlerini kösterdi.

Şu cümleden, Odessa vilâyet şurasına evel Ukraina prezidentiniñ qırımtatar halqınıñ işlerinden vekâletlisiniñ ofisini idare etken, şimdi ise Odesa vilâyetiniñ Belâyevsk rayonıñ başı olğan Arsen Jumadilov öz küçüni sınap baqmağa qarar aldı.

Herson vilâyet şurasına Aqyar şeer şurasınıñ sabıq deputatı Vasiliy Zelençuk namzetini kösterdi. Okruglarnıñ birinde onı Oleg Lâşkonıñ Radikal firqası namzet etip kösterdi.

Lviv vilâyet şurasınıñ deputatı vazifesine Aqyar sakini Timur Barotov keçmege istey, Onıñ namzetini Lviv vilâyetinde Narodnıy Ruh Ukrainı kösterdi.

Rivne şeeriniñ şurasında Qırım Yevromaydan iştirakçisi Yevgeniy Novitskiy keçmege istey. Qırımdan 2014 senesi mart vaqialarından soñ köçti. «Sila lüdey» yaş firqasından saylavlarğa ketti.

Zakarpatyede «Svoboda» firqasını temsil etken eki qırımlı saylavlarda iştirak ete. İşbu siyaset küçüniñ Qırım bölüginiñ sabıq başı Aleksandr Boltân Perçin şeer yolbaşçısı vazifesine namzetini kösterdi, «Svoboda»dan sabıq deputat Kezlev sakini Eduard Leonov Ujgorod şeer başı vazifesine keçecek ola.

Kiye şeer şurasına namzetler arasında da qırımlılar bar. Ukrain cumhuriyet firqası okruglardan birinde Milliy ilimler akademiyasınıñ hadimi İgor Kiryuşçenkonıñ namzetini köstere.

Ukrainada, ukrain akimiyetiniñ nezareti altında olmağan Qırım ve Donbasstan ğayrı, oktâbr 25 künü yerli saylavlar keçirilecek. Qıtaiy Ukrainada qayd etilmegen qırımlılar saylavlardaa rey bermeycekler.

XS
SM
MD
LG