Link açıqlığı

Bugünki Qırımda Ukrainada Stalin rejimi vaqtındaki açlıq vaqiaları aqqında tarif etken kitaplar cinaiy işlerniñ açılmasına sebep ola bile, dedi Kiyevde №309 umumtasil mektebiniñ müdiri, keçmişte – Kezlevdeki №13 mektebiniñ müdiri ve Rusiye yarımadanı işğal etkeninden soñ Qırımnı terk etmege mecbur olğan Оlga Timoşenko.

Bunı o oktâbr 22 künü Qırım.Aqiqat Rаdiosınıñ saba efirinde bildirdi.

«Mektebine kelip, ukrain kitaplarını bir qutuğa qoyıp, bir de bir yerge yollasalar… Kefe gimnaziyalarından biriniñ müdirine qarşı аçlıq aqqında kitabı olğanından sebep cinaiy işniñ açılğanı aqqında bilem… Qırımda şimdi bu qanunsızdır. Böyle şaraitlerde anda yaşamağa mümkünmi», – dey mektep müdiri.

«Özüñ inanmasañ, nefret etseñ, balanı bunda nasıl terbiye eteceksiñ», – dey o.

Qırımda Kezlevniñ ukrain mektebiniñ sabıq müdiri Olga Timoşenkoğa qarşı separatizm sebebinden birden eki cinaiy işni açtılar. Qırım işğalinden soñ Qırımda yekâne ukrain gimnaziyasınıñ müdiri Natalya Rudenko da işten çıqmağa mecbur oldı.

XS
SM
MD
LG