Almaniya Tış işler naziri Frank-Walter Steinmeier Qırım işğaline mütenasip şekilde seslenmege kerek olğanını tüşüne.
Bunı Tış işler naziri Berlinniñ Azat universitetiniñ student ve ocaları ögünde çıqışta bulunğanda ayttı, dep bildire «Ukrinform».
«Digerlerniñ sıñır ve mustaqilligini ürmet etmek kerek. Teessüf ki, atta bugün halqara siyasette buña riayet etmeyler. Rusiye Qırım işğalinen ve Şimaliy Ukrainağa kirmesinen bu printsipni bozdı. Ve, elbette ki, biz bu yaralarnı öz adlarınen adlamaq ve seslenmek kerekmiz», – dey o.
Steinmeier dey ki, almanlar halqara qaide, institut ve aqlar içün ayrıca mesuliyetlidir.
Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.
