Link açıqlığı

Poloniya paytahtı Warszawada Nowy swiat, 63 soqağında yerleşken «Ukrainsky swiat» ukrain haber merkeziniñ binasında qırımtatar bayrağı peyda oldı. Bunı Facebookta Nafis Kaşapov – Rusiyede Ukrainağa qol tutuvı içün yaqalanğan tatar faali Rafis Kaşapovnnı ağası bildirdi.

«Avropa birligi. Poloniya, Ukraina bayraqları yanında qırımtatar bayrağı, qırımtatar halqınıñ timsali, yüzü peyda oldı. Bayraq – ukrain, belorus, Qırım ve Qazan tatarlarına qol tutqan Poloniyanıñ çoq milletli halqınıñ birligi timsalidir», – yazdı o.

Kaşapovnıñ sözlerine köre, ukrainler içün topraqnıñ qoruvı oğrunda «Vatan cenki» kete ve Qırım işğali qırımtatarlar içün faciadır.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG