Link açıqlığı

Saatnıñ esas haberi

Qırımda Meclis azaları öz fikirlerini açıqtan aytıp olamaylar – «Qırım» Fondu»nıñ başı


Rusiye işğalinden soñ yarımadada yaşamağa qalğan Qırımtatar Milliy Meclisiniñ azaları tintüv, yaqalav, yerli uquq qoruyıcıları tarafından diger basqı havfından fikirlerini açıqtan aytıp olamay. Bunı Qırım.Aqiqat Radiosınıñ efirinde «Qırım» Fondu»nıñ başı Riza Şevkiyev bildirdi.

Onıñ sözlerine köre, yarımadada yerli akimiyet «Meclisniñ Qırımda sedası olmasın dep, basqı» ete.

«Meclis azalarından bazıları qıtaiy Ukrainağa köçmege mecbur oldı, qalğanlar fikirlerini açıqtan bildirip olamay, çünki birden FSB çağıruvları başlanır ve ilâhre», – dey yarımadanı terk etmege mecbur olğan Şevkiyev.

O, oña Rusiye mahsus hızmetleriniñ hadimlerinden kelgen fondnıñ faaliyeti ile bağlı telkifler aqqında tarif etti

«Maña aytılğanı kibi, eger de «Qırım» Fondu» qarşılıq köstermege devam etse, ve mülkiyetini qabiledeşlerine bermese, böyle alda cinaiy işni açıp, apiske atacaqlar. Fond mülkiyetini akimiyetke yaqın olğan insanlarğa bersin dep, böyle bir tenbiye kelgen edi», – dey Şevkiyev.

Qırımnıñ Rusiye akimiyeti yarımadağa qırımtatarlarnıñ yetekçileri Mustafa Cemilev ve Refat Çubarovğa kirişilerini yasaq etti. Meclis azaları ve uquq qoruyıcılardan bir qısmı yarımadanı terk etmege mecbur oldı. Qırım ve Rusiyede repressiyalar aqqında bildirüvlerni abartılğan dep sayalar.

XS
SM
MD
LG