Link açıqlığı

Jenevada BMT konferentsiyasında Qırım jurnalistlerine qarşı repressiyalar aqqında bildirdiler


Salı künü, oktâbr 20-de, Qırım jurnalisti, «Ukrainanıñ mustaqil media-birligi» komitetiniñ azası Anna Andriyevskaya Jenevada Milletler sarayında (BMT bölügi) keçirilgen konferentsiyada çıqışta bulunıp, şimdi Rusiye Federatsiyası nezareti altında olğan Qırımda zenaatdaşarına nisbeten etilgen repressiyalar aqqında bildirdi.

Beyanatqa köre, Andriyevskaya rusiyelilerniñ Rusiye Cinaiy kodeksiniñ 280.1 maddesiniñ – «Rusiye Federatsiyasınıñ topraq bütünliginiñ bozuluvına çağıruv» – qullanılmaması aqta bildirüvini red etti.

«Qırım Ukrainanıñ qısmı, işğal etilgen olsa da, qalğanına baqmalan, anda Rusiye qanunları çalışa. Jurnalistlerge qarşı aynı şu maddege köre bir sıra cinaiy iş açıldı», – dedi jurnalist ve buña özü misal olğanını qayd etti – Qırımda oña qarşı aynı şu maddege köre cinaiy iş açıldı.

Ukrain media-birliginiñ malümatına köre, konferentsiyada bulunğan Rusiye uquq qoruyıcısı Galina Arapova bunıñ ile razı oldı, amma topraq bütünliginiñ bozuluvı aqqında mahkeme qararları olmağanını da qayd etti.

«Ukraina mustaqil media-birliginiñ» reisi Yuriy Lukanov Rusiye zenaatdaşlarını Ukrainağa sayğısız munasebetelrinden vazgeçmege çağırdı ve «memleketimizni nasıl etip abadanlaştırmaq meselesinde bizge tevsiye bermemege» teklif etti.

Konferentsiya iştirakçileri matbuat vastalarında duşmanlıq tiliniñ takbih etilüvi ile umumiy beyanatnı qabul ettiler.

XS
SM
MD
LG