Link açıqlığı

Talil ve tahminler ukrain bürosınıñ reisi Sergey Dâçenko Qırım.Aqiqat Radiosınıñ efirinde aytqanı kibi, Qırımnıñ energetik qamaçavı aqqında laf yürsetmege vaqıtsızdır, çünki Ukraina şimdi Rusiyege tabidir.

Ekspert dey ki, Qırımnıñ energetik teminlevini sıñırlap, Ukraina «tenazuriy cevapnı elde ete bile».

«Ukraina yañı şaraitlerde öz energetik mustaqilligini teminlemegence, Rusiyege ve energetika saasında ola bilecek sanktsiyalarğa tabidir», – dedi Dâçenko.

Onıñ sözlerine köre, Donbassnıñ bir qısmı şimdi ukrain akimiyetiniñ nezareti altında olmağanı sebebinden vaziyet daa da zorlaştırıla.

«Bir qaç yıl evelsi özümiz öyle tabi degil edik. Amma resurslarnıñ büyük bir qısmı Ukraina nezareti altında olmağan territoriyada qalması sebebinden problemler başlandı», – dep añlattı Dâçenko.

Ekspert dey ki, devlet energetik havsızlığı ile vaziyetni eyileştirmek içün areket etmedi. Neticede Ukraina «kene de energiyanı ital etmege mecbur».

Herson vilâyetinde oktâbr 20 künü kene bir kene «Melitopol-Canköy» yolağınıñ tiremelerini bozdılar. Biriniñ tübüne mina qoyulğan edi. Militsiyanıñ bildirgenine köre, 3 mina ve 2 trotil qılıçı tapıldı. «Elektroenergetika obyektlerniñ aselet bozulması» maddesi boyunca cinaiy ketişat başlanıldı.

Oktâbr 6-na keçer gecesi belgisiz şahıslar Canköy-Melitopol yolağınıñ eletktrotiremesini bozdılar.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya iştirakçileri «mal» qamaçavından soñ Qırımnıñ «energetik» qurşavınıñ ola bilecegini bildirgen ediler.

XS
SM
MD
LG