Qırımnıñ vatandaşlıq qamaçavınıñ teşebbüsçilerinden biri Lenur İslâmov Qırım ile memuriy sıñırnıñ yanında eletrotiremelerniñ bozuluvını ukrain akimiyetiniñ areketsizligi ile añlata. Bunı o oktâbr 20-de, salı künü, Qırım.Aqiqat Radiosınıñ aqşam efirinde bildirdi.
«İnsanlar akimiyet ağımıznı satqanından öyle boldurdı ki, atta tiremelerni patlatmağa başladı. Bundan evel patlavnı körgen edik, şimdi birden üç tireme. Halq akimiyetten doğru ve ırızlı areketlerni beklemekten boldurdı», – dey İslâmov.
Oktâbr 20-ne keçer gecesi Çonğar köyü yanında bozulğan Melitopol-Canköy elektrik tiremesi işlettirildi.
Herson vilâyetinde oktâbr 20 künü kene bir kene «Melitopol-Canköy» yolağınıñ tiremelerini bozdılar. Biriniñ tübüne mina qoyulğan edi. Militsiyanıñ bildirgenine köre, 3 mina ve 2 trotil qılıçı tapıldı.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.
