Oktâbr 20-ne keçer gecesi Çonğar köyü yanında bozulğan Melitopol-Canköy elektrik tiremesi işlettirildi. Bunı «Ukrenergo» şirketiniñ matbuat hızmeti bildirdi.
«Saat 13:42 tiremelerden tapılğan şeylerni içki işler organları hadimleri tarafından çıqarmaq ve etrafnı teşkermek içün Canköy-Melitopol ava yolağı vaqtınca söndürilgen edi. İşbu areketlerniñ soñunda, saat 15:55, yolaq işletildi. Böyleliknen, Qırım MC elektroteminleviniñ sıñırılana bilecegi ile bağlı imkâniyet yoq oldı», – denile beyanatta.
Qayd etilgeni kibi, al-azırda yarımadanıñ energiya ile teminlevi sıñırlanmağan.
Herson vilâyetinde oktâbr 20 künü kene bir kene «Melitopol-Canköy» yolağınıñ tiremelerini bozdılar. Biriniñ tübüne mina qoyulğan edi. Militsiyanıñ bildirgenine köre, 3 mina ve 2 trotil qılıçı tapıldı.
