Qırımda köy hocalığı yoq olmaq havfı altındadır, dedi Qırım.Aqiqat Radiosınıñ efirinde Ukraina agrar siyaseti nazirliginiñ iş gruppasınıñ mütehassısı Dmitriy Nezviskiy.
Onıñ sözlerine köre, yarımadağa Dnepr suvunıñ berilmesi toqtatılğanından soñ, Qırımda köy hocalığı saası ziyan körmektedir.
«Qırımda köy hocalığı saası ziyan körmektedir. Esas ziyan Şimaliy-Qırım kanalında Dnepr suvunıñ olması ile bağlı. Qırımda tabiat ve coğrafik şaraitlerine köre, yaırmada suvsız yaşap olamay. Köy hocalığı da 100% suvğa bağlı. Bugünde-bugün köy hocalığı yoq olmaq havfı altında olğanını ayta bilemiz», – dedi o.
Dmitriy Nezviskiy şunı da qoştı ki, Qırımnıñ Rusiye akimiyeti daa bir buçuq yıl evelsi bu meseleniñ çezüv usullarını qıdırmağa başlağan edi, amma muvafaqiyetsiz.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.
