Link açıqlığı

Vatandaşlıq qamaçavı Qırım boyunca devlet strategiyasını deñiştirmez – Dmitriy Nezviskiy


Qırımnıñ vatandaşlıq qamaçavı oña nisbeten umumdevlet strategiyasını deñiştirmez, çünki yarımadağa nisbeten bütün meseleler kompleksli tarzda çezilmeli. Bunı Qırım.Aqiqat Radiosınıñ efirinde Ukraina agrar siyaseti nazirliginiñ iş gruppasınıñ mütehassısı Dmitriy Nezviskiy bildirdi.

«İnsan yaşayışınıñ bütün saaları nazarğa alınmalı. İçtimaiy, medeniy, turmuş, iqtisadiy ve ilâhre. Mal donümi, ilâclar – bu er şey munasebetlerniñ umumiy strategiуаsında nazarğa alınmalı. Ya da Qırım ile bütünley munasebetelrimizni toqtatamız, ya da nasıldır bir eki taraflama munasebetlerni alıp baramız, mümkün olsa», – dey Dmitriy Nezviskiy.

Onıñ sözlerine köre, umumdevlet strategiyası olmadan, «nasıldır bir muayyen şeyler aqqında aytmağa mümkün degil – köy hocalığı, deñiz, naqliyat alâqası kibi meseleler aqqında».

«İşğal etilgen territoriyalar ile iqtisadiy, medeniy, siyasiy munasebetlerniñ toqtatılması – er vaqıt menfiy bir şeydir. Bundan imtiyaz alğan taraflar bar ve zarar körgen taraflar ola», – dep qoştı Nezviskiy.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG