Link açıqlığı

Qırımdan genç pianinocı Hrıstına Mihayliçenko halqara muvafaqiyetlerinden degil de, Ukrainada nam qazanğanından ğurur is ete.

Bu aqta anası Natalya Qırım.Aqiqat Radiosı efirinde bildirdi.

«Ukrainanıñ eñ belli sanalarında, orkestrler ile çalğan edi. Bu eñ büyük variyettir», – dedi Natalya Mihayliçenko.

Yaş çalğıcı aytqanı kibi, şimdi Avstriya çıqışları içün programma azırlay.

«Avstriyada büyük programmam olacaq, bir 40 daqqa», – dey o.

Hrıstına degenine köre, Schubert, Rahmaninov, Chopin, Haydnve ukrain bestekârları Skorik ve Lısenkonıñ eserleri yanğıracaq.

Anasınıñ sözlerine köre, Hrıstınağa ukrain muzıkasını oynamağa daa da qolay, «çünki onı is ete».

Mihayliçenko ailesi Qırımdan qıtaiy Ukrainağa 2014 senesi mart ayında köçti, amma özlerini köçip kelgenlerniñ sırasına kirsetmeyler. Natalya aytqanı kibi, o ve ailesi er zaman özlerini Ukraina vatandaşları olaraq tanıy edi.

2015 senesiniñ başında işğal etilgen Qırımnıñ yaş çalğıcısı Hrıstına Mihayliçenko Felemenkte genç pianinocılar yarışında ğalebe qazandı.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG