Link açıqlığı

Qırımtatar Milliy Meclisiniñ reisi Refat Çubarov dey ki, Qırımnıñ «vatandaşlıq» qamaçavı sebebinden yarımadada köy hocalığı mahsulatı paalılaştı. Bunı o Levıy bereg neşirine bildirdi.

«Yarımada toprağında olıp keçken meyillerni bilemiz. Ösümlik, bostan mahsulatınıñ östürilmesi ile bağlı şeyler aqqında aytacaq olsaq, er şey qıtadan ketirile. Kelecek afta Qırım titan zavodınıñ problemaları başlanacaq», – dey Çubarov.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG