Link açıqlığı

Saatnıñ esas haberi

Ankarada patlav neticesinde yüzden ziyade insan elâk oldı


Oktâbr 10 künü Türkiye paytahtı Ankarada terroristler tarafından azırlanılğan patlav neticesinde zarar körgen daa üç insan vefat etti. Bunı memleketniñ baş prokurorı cuma künü bildirdi. Böylelknen, elâk olğanlarnıñ sayısı – 102 insandır.

Türkiye prokuraturası bilidrigeni kibi, Türkiye tarihında eñ fena teraktlarnıñ azırlanuvında şeklengen 13 insan yaqalandı. Baş nazir Ahmet Davuotğlu çarşenbe künü aytqanı kibi, bazıları aylarce Suriyede bulunğan edi ve «İslâm devleti» terroristik teşkilâtı ya da kürd boyevikleri ile bağlı ola bile.

«Keñiş taqiqat çerçivesinde teraktlarğa bağlı insanlar aqqında müim malümat tapıldı», – denile prokuratura beyanatında.

Evel Türkiyeniñ İçki işler nazirligi Ankaranıñ politsiya, istihbarat, havfsızlıq hızmetiniñ başlarını vazifelerinden boşattı.

Oktâbr 10 künü Türkiye paytahtında kürd faalleri tarafından teşkil etilgen numayışlarnıñ ögünde eki patlav yüz berdi.

XS
SM
MD
LG