Link açıqlığı

Ukrain-belorus tarihçısı ve Qırım hanlığınıñ tedqiqatçısı Vladislav Guleviç Ukrainada Qırım araştırmaları ile vaziyetni kelişmegen dep saya. Bunı o Qırım.Aqiqatqa bildirdi.

Eñ kergin problemalar arasında o mütehassıslarnıñ yetişmemezligini ve devlet tarafından diqqatnıñ olmamasını bildirdi, aynı şu sırada mütehassıslar ve Qırımnı meraq etkenler içün tasil programmalarınıñ keçirilmegenini qayd etti.

«Qırımatarlarnıñ ve Qırım hanlığı tarihınıñ ögrenilmesi – fenlerarara araştırmalar, olar yalıñız yazma menbalarnı degil de, atiqiyat ve numizmatikanı bağlay. İtaliya, Frenkistan, Romaniya ve Moldova zenaatdaşları ile bağ yetişmey. Misal içün, İtaliyada Qırım tarihı boyunca menbalarnıñ sayısı büyük, Genuya ve Venetsiyanıñ Altın Ordu ve Qırım ile ticariy bağları sayesinde toplanıldı», – dey Vladislav Guleviç.

Onıñ fikrine köre, Qırım hanlığınıñ doğuv devrini talil etmek içün bu vesiqalarnı işlettirmek kerek: tercime etmek ve bastırmaq.

Problemalardan biri olaraq Guleviç qırımtatar alimleriniñ yarımadanıñ esasen yañı tarihı üzerinde çalışqanını qayd etti.

XS
SM
MD
LG