Ukrain jurnalistleri – «UA|TV – ukrain telekorüv ve radioyayınlav» bütündünya hızmetiniñ baş müdiriniñ birinci muavini ve Qırım.Aqiqatnıñ müelliflerinden biri Vladimir Zemlânıy ve «Golos Ukrainı» parlament gazetasınıñ foto mühbiri Aleksandr Klimenko – Kiyevde«Russkiy razuhay ili ukrainskiye grabli» («Rus razuhayı ya da ukrain tırnavuçı») kitabını taqdim ettiler.
«Razuhay – müim qararlarnı qolaylıqnen alğan bir yigit, amma işbu qararlar insan, memleket, dünya taqdirine tesir ete. Em de o bu qararlar içün mesuliyetli degil. İşbu yigitte, elbette ki, Vladimir Putin, Rusiye prezidentini tanıymız», – dedi Zemlânıy Qırım.Aqiqatqa.
«Ukrain tırnavuçı» ise – çünki Pereyaslav Radasından başlap, nice asırlar devamında, evel de, Rusiye er vaqıt işbu tırnavuçqa basa, ukrain tırnavuçına. Bizni de ura, tırnavuçlar, amma Rusiyege de farqlıca tiye», – dep qoştı müellif.
Publitsistik kitap, içinde şaqalı şekilde tek Rusiye tarafından işğal etilgen Qırım ve Donbass areketleri degil de, şimdi olayatqan adiselerniñ tarihı de añlatıla. Baplardan bir qaç tanesi: «Krovorossiya», «A vorogov moїh trâstseyü otoçi», «Krımnaş ili Vamkrış».
Vladimir Zemlânıy eserni sulh, «mavı kök ve sarı boğday» tilegi ile yekünley.
Kitap AVІAZ Kiyev neşriyatında çıqtı.
